Tuesday, August 11, 2009

Be haPpy You Just LoOk FiNe

أغلب البنات .. يلاقون في المشاهير مؤشر حتمي للموضة و الجمال .. متناسين مؤشرات الموضة و الأناقة والتي لا تخرج إلا من دور الأزياء العالمية المعروفة .. وكأن المشاهير هم من صنعوا الموضة لدور الإزياء وليس العكس

معلومة هنا لابد من توضيحها للجميع

الموضة دائماً و أبداً تبدأ في عروض الأزياء المقامة في أكبر دور الأزياء سواءاً في ميلان أم باريس أو نيويورك


لتكتسح موضة القصات و الألوان و أنواع الأقمشة المعروضة في دور الأزياء العريقة جميع محلات الأزياء في كل أنحاء العالم

هذا ليس بموضوعي لليوم.. لكن كلمة كان لابد من التنويه عنها من البداية!!


موضوعي اليوم .. راح أخص فيه شريحة من البنات و السيدات وأيضاً بعض من الرجال اللي نقول عنهم مايعجبهم العجب !!


باختصار .. ليش دايماً نسمع في مجالس البنات و السيدات وهذول الرجال الناقصين عقل ..يقولون يازين حليمة و الا شفتي شحلات كيم والا شفتي بشرة باريس .. والا شفتي ستايل فكتوريا ..


بقولكم شي .. بحكم احتكاكي بالمجتمع الأمريكي و الأوربي لقيت في الأوربيات الرقي و الأناقة و لقيت في الأمريكيات العملية و البساطة لكن تدرون شنو لقيت في الخليجيات .. الملح و الجمال العربي الأخاذ لكن هناك بعض من المبالغة...في شنو مبالغة !! في كل شي ..طريقة اللبس .. المكياج ..الإكسسورارت..والشعر


هن فقط بحاجة لبعض الإرشادات اللي تخليهم أجمل الجميلات برأي و أكثرهن أناقة ..


بس على فكرة .. لو نفكر شوي ونتسائل .. هل فعلاً المشاهير جمالهم و أناقتهم ربانية ..يعني من دون رتوش !! هل فعلاً
لي الوحدة منهم قامت من النوم يكون جذي شكلها .. مالقيت غير الصور هي أفضل مقنع
اتركم مع الصور ولنا تكملة ...




















































عرفتوا شنو الجواب الحين .. أكيد لا .. هذا كله ترتيب و تنسيق ومكياج يعطي للبشرة رونق و أناقة و لاتنسون عمليات التجميل الجراحية!!


طبعاً بعضكم بيقولي لا مو صحيح كلامج .. بقولكم معلومة .. هذول المشاهير ما عندهم راحة ..يعني 24 ساعة مو ملكهم .. أغلب وقتهم تحت الأضواء و التصوير .. معلومة صغيرة ..لو الوحدة فيكم تروح المصور وتاخذ معاها فلاش واحد البيت و تخليه لمدة 6 ساعات مجابل وجهها شنو بيصير !!؟؟؟ أكيد بتتعب بشرتها



في اللقاءات القادمة .. ستكون لنا مواضيع أكثر وبتفصيل أكثر .. وراح نتكلم فيها عن كل شي .. وراح نخصص يوم

بالإسبوع للإجابة عن كل استفساراتكم المتعلقة بالجمال و الصحة و الأناقة و المشكلات الإجتماعية



ونصيحة ودية .. ثق بنفسك دائماً وإنظر للمرآة وحاول أن ترى نفسك من الداخل
[ ... ]

Monday, March 2, 2009

testing

testing testing testing
[ ... ]